- وللسنة الثانية أ.نورا ما معاي ف المدرسة ولازلت أفتقدها .. وما أقدر أوقف قدام غرفتها .. ولازلت أحس بالفراغ وهي ما موجودة ..
وكم من ساعات أتخيلها معانا وأني أسير غرفتها أتكلم معاها وأخطط معاها و أشاورها و أخذ بأفكارها .. يارب تيسر ليها كل خير
- أول يوم دوام والبنات والاطفال و الملابس الجديدة و طابور الصباح .. حماااااااااااااااااااااااس
= الجدول المدرسي و أزمته ومن سوء حظ المدرسة أنه معاي .. طلعت الجدول المبدئي .. ههههههههه صاف الحصص ورا بعض للمعلمة .. والمعلمات في صراع مع الحصص المتتالية ومع الزحمة ... يالله بعونك ..
- البنات ولقائي الأول معاهم بورشتي بعنوان " u turn " شوي متأثرة من حصص السياقة ..
خفيفه ونقاط بسيطة يا رب أكون وفقت ف اختيار النقاط ... يا رب
- جرس الحصة الثامنة لازال سنفونية تطرب الآذان .. يا سلاااااااام لليوم وحتى ف بداية العام الدراسي لازال محتل الصدارة في قربه من القلوب فصوته بعد الحصة الثامنة وناااااااااااسة ما بعدا ونااااااااااااااسة ..
= سالفة المؤتمر مأرقتني ,, خااااااااطري أحضر ..محد قادر يفهم إني أبا أسير الكويت .وهذا المؤتمر مهم بالنسبة لي ..
" وللأسف تجري الرياح بما لا تشتهي السفن "
- face book إثاااااارة وحماااااس وجديده يعجبني ..أحس بالتجديد من أدخله ..
- " العادات السبع للناس الأكثر فعاليه " لاستيفن آر موفي معاي هالأيااااااام ..
- سورة البقرة ومع الإصرار لانتهاء من حفظها .. أ.نورا وأم انجود يا رب تيسر لنا وتوصلنا لهدفنا ..
- التدريب على سياقة السيارة متعه لكن متعب أبا أخذ الرخصة بسررررررررررررعة
- شغلي وتشتتي فيه أبا أفهمه ... و أعرف شو أشتغل بالضبط .. أبا أركززززز ..
- مدونتي كل يوم أدخل أقراها لو ما بكتب فيها .. استانس من أفتحها ..
- رمستي مع امــــــــــي وسوالفي معاها حلوة أتونس عليها ..
- زليخة سارت عنا افتقدناها .. والخير إن شا الله ف نور ياتي ..
- أ.رباب .. بتوحشنا بتسير من مدرستنا فاجئني قرارها ..
أتعودنا عليها .. يا رب تيسر لها كل خير
وبسسسسسس
ليست هناك تعليقات:
إرسال تعليق