أبــــــــــــــــــــــــــــــــــــــــوي

هالمرة خاطرتي غير ..



نويت اكتب بالعامي .. لأني ما ادري ..


الموضوع اللي بكتب فيه ما اعرف كيف ابدي ..


هالكلام كتبته لأنه صار لي معاه موقف اليوم ..


اليوم


بتكلم عن إنسان أحبه ..


اشتاق دايما ليه ..


إذا اتكلمت عن العطاء فصورته تكون قدامي ..


و إذا اتكلمت عن الحنان أقراها في عيونه ..


وإذا اتكلمت عن الاهتمام فأسمعها من دقت إيده على باب غرفتي ..


وإذا اتكلمت عن الحماس فأشوفها في رحلاتنا معاه ..


وإذا اتكلمت عن المسؤوليه فأشوفها في نظرة عيونه .. أشوفها في كلماته معاي ..


أحبه كلمه صغيره قدام عطاءه وحبه لي ..


كنت أشتغل في مكتبي في المدرسة ..


أسما تعالي في حد يباج ..


أول ما وصلت البوابة تفاجأت فيه .. معقولة أتذكر موعدي في المستشفى و أنا ما

ذكرته فيه


أصلا كنت ناويه ما أسير ..


سرت معاه ,, دخلنا المستشفى ودخل معاي ..


اسبوع ما كنت أقدر أقوم من السرير .. كنت أشوفه معاي ..


يذكرني بموعد الدوا ..


في يوم الثلاثاء تقرر أسير المستشفى من الساعة 7 الصبح عشان أسوي الأشعة

المغناطيسية ..


ماأنساه يوم قام قبلي وقومني الصبح وسرنا المستشفى ودخل معاي وتم واقف ع

الباب لين خلصت ..


اتعرفوا فهاللحظة دخل علي ..


يذكرني بالجلسة الصحيحة .. يتأكد أني جالسة صح والا لا ..


قرر يشتري لي مكتب وكرسي عشان يوم بجلس ع اللاب توب ..


- ما أحتاجها ؟؟


- لا تحتاجيها ، عشان ظهرج لازم تكون جلستج صحيحه


- إن شا الله ..


أحبه ..


إنسان في نظري مثالي بكل ما تحملها الكلمة من معاني ..


إنسان بصمته كبيرة في حياتي ..


اتعلمت منه أن أحب بدون شروط ..


أتعلمت منه أن مساعدة الناس شي أساسي شو ما كانت ظروفي ..


أتعلمت منه أن اكون متميزة بس ما على حساب اللي حوالي ..


أتعلمت منه أطالب بحقي إذا لي حق و أسامح ما دام أني أقدر أسامح ..


اتعلمت منه أن أتحمل مسؤولية نفسي و أسرتي و مجتمعي و امتي ..


جواهر الأدب ، كتب الشافعي ، ديوان المتنبي ، ديون أبو فراس .. المستظرف في كل

فن مستطرف .. الأغاني

وغيرها كثير في مكتبته لأنه يحب يقرا وخاصة الكتب الأدبية .. أنا تخصصي لغة

عربية بس في الأدب هو أشطر مني ..

أحبه ..

أحب قوته و شموخه و صوته العالي ..

وااااااايد استحي منه ..

استحي أطلب منه شي .. أستحي أعلق عليه .. مستحيل انتقد أي شي يسويه ..

أحبه ..

أحب حكمته و آرائه و ف معظم الأحيان أخذ فيها ..

أحب طولة باله .. باله طــــــــــــــــــــــــــــــــــــــــــــــــــــويل ..

مع أنه بيني وبينه أكثر من 35 سنه بس ما حسيت بهالشي .. يكلمني و كأنه واحد ف

عمري ..

إذا اتميزت يستانس لتميزي ويعيش التميز معاي ..

وإذا غلط يعاتبني ..

ما أعرف شو أكتب عنه أكثر لأنه في أشياءات وايده ما اتكلمت عنها

بس هي كلمه ..

بــــــــــــأمانة

"أبــــــــــــــــــــــــــوي "

نعمة كبيرة ف حياتي ..

الله يخليك لينا ياااااااااااااااااااااااارب ويطول ف عمرك ..

أ